Kamerat e sigurisë kanë filmuar makinën e atentatorëve në Shkodër, policia po punon për identifikimin e autorëve.

Disa kamera sigurie në Shkodër kanë regjistruar lëvizjet e një makine tip “Range Rover” të përdorur nga autorët e një ngjarjeje tragjike, e njohur si masakra e Shkodrës. Kjo ngjarje ndodhi më 30 tetor 2024 dhe përfshiu humbjen e jetëve të Hamza Lici, Arlind Bushati dhe çiftit Flutura dhe Bashkim Basha. Pamjet e kamerave kanë kapur këtë makinë në një rreth-rrotullim që lidh zonat “Kiras” dhe “Dobraç”.

Makina “Range Rover”, e cila ishte raportuar e vjedhur në Durrës dhe më pas u dërgua në Shkodër, është filmuar në rrugë, duke ndjekur një makinë tjetër, një “Benz” me targa kroate, ku udhëtonin Hamza Lici, Arlind Bushati dhe një person i tretë ende i paidentifikuar. Në momentin e sulmit, makina e autorëve është pozicionuar pas makinës “Range Rover” ku ndodheshin agresorët, të cilët kanë qëlluar me dy kallashnikovë.

Sipas burimeve nga policia e Shkodrës, personi që drejtonte “Range Roverin” kishte të veshur një bluzë të bardhë, por për shkak të pengesave të diellit që mbulonin xhamin e përparmë, fytyra e tij nuk është kapur qartë në kamera. Ky detaj ka vështirësuar identifikimin e shoferit deri më tani.

Brenda makinës “Benz” ku u vranë Hamza Lici dhe Arlind Bushati janë gjetur disa armë zjarri pistoleta, telefona, dokumenta dhe disa gëzhoja pistolete, duke sugjeruar se nga kjo makinë pati shkëmbim zjarri në përpjekje për t’u mbrojtur nga sulmi. Policia dyshon se ishte Arlind Bushati, pasagjeri i parë, që u përpoq t’i kundërpërgjigjej agresorëve me armë.

Deri tani, ende nuk është zbuluar identiteti i atentatorëve. Pas ngjarjes, makina e përdorur nga autorët u gjet e djegur në fshatin Golem, Shkodër. Dëshmitarët në vendngjarje kanë raportuar se ambulanca mbërriti rreth 40 minuta më vonë, dhe ky vonesë mund të ketë qenë fatale për Arlind Bushatin, i cili kishte një plagë në kokë që mund të kishte marrë trajtim në kohë.

Sa për Hamza Lici, ai u godit me dy plumba, një në zemër dhe një në dorë. Policia po vazhdon hetimet për të sqaruar rrethanat e plota dhe për të identifikuar personat përgjegjës për këtë ngjarje të rëndë.