Ministri i Mbrojtjes i Izraelit, Israel Katz, ka deklaruar se zyrtari i lartë iranian i sigurisë, Ali Larijani, është vrarë gjatë një sulmi ajror të kryer gjatë natës.

Sipas njoftimit, Katz tha se ishte informuar për vdekjen e Larijanit pas goditjeve të fundit të ushtrisë izraelite ndaj objektivave në Iran.

Larijani konsiderohej një nga figurat më të rëndësishme në strukturën e sigurisë së Iranit dhe kishte rol kyç në vendimmarrjen strategjike të vendit.

Megjithatë, deri në këto momente nuk ka konfirmim zyrtar nga autoritetet iraniane për vdekjen e tij, ndërsa raportime të tjera theksojnë se Izraeli “beson” se ai është vrarë, por verifikimi i plotë është ende në proces.

Ngjarja vjen në një moment të tensionuar në rajon, mes përshkallëzimit të konfliktit mes Iranit dhe Izraelit, ku sulmet ndaj figurave të larta dhe infrastrukturës strategjike janë intensifikuar ditët e fundit.