Këngëtarja e njohur e muzikës popullore, Irini Qirjako, ishte e ftuar speciale në aktivitetin festiv “Lushnja që ndriçon”, organizuar në sheshin qendror të qytetit në zemër të Myzeqesë. Me zërin e saj karakteristik dhe repertorin e pasur nga të gjitha trevat shqiptare, ajo elektrizoi publikun lushnjar dhe emigrantët e kthyer në atdhe për pushime.
Në një intervistë për televizionin per tevizionin Apollon e gazetarin Ndricim Gjoshi, Qirjako u shpreh me nota vlerësimi për qytetin e Lushnjës, duke theksuar se kënga myzeqare mbetet një pasuri shpirtërore që duhet ruajtur me fanatizëm. “Lushnja po ndryshon jo vetëm në infrastrukturë, por po rritet çdo ditë edhe në art, kulturë dhe identitet. Kënga myzeqare është zemra e këtij qyteti,” tha ajo.
Artistja falënderoi organizatorët dhe publikun për mikpritjen dhe emocionin, duke e cilësuar natën e koncertit si një nga më të veçantat e kësaj vere.
