Irani ka vënë ushtrinë e tij në gatishmëri të lartë dhe ka paralajmëruar vendet fqinje që strehojnë baza amerikane të mos mbështesin sulmet e mundshme të SHBA-së, pas kërcënimeve të presidentit Donald Trump për një fushatë bombardimesh.
Irani ka shpallur gatishmërinë e lartë të forcave të tij ushtarake dhe ka paralajmëruar shtetet fqinje të ketë kujdes për çdo ndihmë që mund të japin për SHBA-në. Kjo lëvizje ka ndodhur pas një letre të dërguar nga presidenti amerikan Donald Trump për liderin suprem iranian, Ayatollah Ali Khamenei, në të cilën ai kërkon negociata direkte për të ndaluar programin bërthamor të Iranit. Trump kërcënoi se nëse nuk arrihet një marrëveshje e re, do të nisë një fushatë bombardimesh.
Megjithatë, Teherani ka hedhur poshtë këtë kërkesë për bisedime të drejtpërdrejta. Ministri i Jashtëm i Iranit, Abbas Araghchi, e ka quajtur propozimin të “pakuptimtë” dhe ka vënë në dyshim sinqeritetin e SHBA-së, duke thënë: “Nëse dëshironi negociata, pse duhet të kërcënonit?” Reagimi i Iranit ka pasur një ndikim të menjëhershëm në marrëdhëniet ndërkombëtare, duke u bërë një temë e nxehtë në diplomaci.
Teherani ka lëshuar paralajmërime për disa shtete fqinje, përfshirë Irakun, Kuvajtin, Emiratet e Bashkuara Arabe, Katarin, Turqinë dhe Bahreinin, duke iu kërkuar atyre të mos lejojnë që forcat amerikane të përdorin hapësirën ajrore ose territorin e tyre për sulme të mundshme. Sipas një zyrtari të paidentifikuar iranian, çdo mbështetje e mundshme për operacionet ushtarake të SHBA-së do të përbënte një akt armiqësie dhe do të kishte pasoja të rënda për këto shtete.
Për më tepër, lideri suprem iranian, Ayatollah Khamenei, ka urdhëruar që forcat e armatosura iraniane të jenë në gatishmëri të lartë për çdo zhvillim të mundshëm. Ky urdhër është një përgjigje ndaj tensioneve që janë rritur pas tërheqjes njëanëshe të SHBA-së nga marrëveshja bërthamore të vitit 2015, e cila kishte kufizuar aktivitetin bërthamor të Iranit në këmbim të lehtësimit të sanksioneve. Trump kishte rikthyer sanksionet ndaj Iranit më 2017, duke ndjekur politikën e tij të “presionit maksimal”.
Irani ka shprehur gjithashtu gatishmërinë për bisedime indirekte përmes Omanit, dhe ka theksuar se një proces i tillë mund të ofronte mundësi për të vlerësuar seriozitetin e SHBA-së për një zgjidhje diplomatike. Zyrtarët iranianë kanë lënë të kuptohet se bisedimet mund të fillojnë së shpejti, por procesi mund të jetë i vështirë dhe do të kërkojë prova të vërteta nga ana e SHBA-së për të arritur një marrëveshje.
Në një koment të mëtejshëm, ministri i Jashtëm iranian, Abbas Araghchi, theksoi se Irani kërkon bisedime në një “bazë të barabartë”. Ai e quajti politikën e SHBA-së të kërcënimeve të vazhdueshme si një shkelje të Kartës së Kombeve të Bashkuara dhe të normave ndërkombëtare.
Gjeneralmajor Hossein Salami, komandanti kryesor i Korpusit të Gardës Revolucionare Islamike (IRGC), theksoi se Irani është i gatshëm për çdo luftë, duke paralajmëruar se çdo provokim nga ana e SHBA-së do të ndeshte me një përgjigje të fortë nga ana e Iranit.
Në këtë kontekst, tensionet ndërkombëtare vazhdojnë të rriten, dhe mundësia për një eskalim të mëtejshëm të konfliktit mbetet një shqetësim global.
