Sulmuesi i Egnatias, Guindo, ka shënuar një gol të rëndësishëm në fitoren 0-2 të skuadrës ndaj Bylisit, një gol që i ka dhënë pikë të rëndësishme ekipit të tij.
Pas ndeshjes, ai ka ndarë mendimet e tij për këtë sfidë, duke theksuar rëndësinë e shënimit dhe angazhimin e tij në ekip.
“Është një ndeshje shumë e vështirë dhe detyra ime është të shënoj. Më në fund, arrita të hap llogarinë e golave, gjë që është gjithmonë pozitive për mua dhe ekipin,” u shpreh Guindo pas ndeshjes.
Ai gjithashtu theksoi se nuk ka arsye të krahasohet me lojtarë të tjerë, siç është Bakajoko. “Ai po bën punën e tij shumë mirë dhe është një lojtar i shkëlqyer. Unë besoj se të dy do të shënojmë gola dhe se nuk ka rëndësi se kush është ai që realizon,” shtoi ai.
Për më tepër, Guindo foli për mundësinë e luajtjes së bashkë me Bakajoko. “Varet nga sistemi dhe taktika që përdorim. Ne e provojmë atë gjatë stërvitjeve, dhe ndoshta do të luajmë bashkë në disa ndeshje, por kjo është diçka që varet nga rrethanat,” tha sulmuesi i Egnatias.
Një tjetër temë që Guindo preku ishte periudha e tij pas rikthimit nga dëmtimi. “Fizikisht nuk kam qenë 100%, por falë durimit të trajnerit, kam pasur mundësinë të kthehem gradualisht dhe të arrij nivelin më të lartë. Më e rëndësishmja është që të ndihmoj ekipin dhe të kontribuoj për të arritur objektivat tona,” shpjegoi ai.
Ndërsa krahasoi periudhën e tij të kaluara te Laçi me eksperiencën në Egnatia, Guindo u shpreh se te Egnatia ndihet si pjesë e një familjeje. “Ka disa shokë skuadre që kam njohur këtu dhe gjithçka është shumë më relaksuese. Ekipi ka një lojë më fluide dhe për mua është më mirë,” përfundoi ai.
