Gjykata Kushtetuese nuk do të shpallë sot një vendim lidhur me kërkesën e qeverisë për shfuqizimin e vendimit të GJKKO, e cila pezulloi Belinda Ballukun nga detyra. Kolegji i Gjykatës pritet të mblidhet javën e ardhshme për të shqyrtuar nëse kërkesa e qeverisë do të kalojë ose jo në procedurë.
Aktualisht nuk është përcaktuar një datë e saktë për mbledhjen e Kolegjit. Relator i çështjes është gjyqtari Sandër Beci, ndërsa në përbërje, në vend të gjyqtares Holta Zaçaj, do të jetë Marsida Xhaferllari.
Procesi vijon ndërsa institucionet presin vendimin që do të përcaktojë hapat e mëtejshëm për çështjen e pezullimit të ish-ministres.
