Një 44 vjeçar, me emrin Luan Kaçaku, është proceduar në gjendje të lirë pasi tentoi të nxirrte nga Shqipëria dyzet e dy mijë euro pa i deklaruar, siç kërkohet nga ligji.
Gjatë kontrollit në dalje të vendit, shërbimet doganore zbuluan shumën e parave në çantën e tij, të cilën ai nuk e kishte deklaruar sipas detyrimit ligjor.
Pas veprimeve procedurale, specialistët për Hetimin e Krimeve në DVKM Gjirokastër referuan materialet në Prokurori, ku nisi procedimi për veprën penale “Mosdeklarimi në kufi i të hollave dhe i sendeve me vlerë” ndaj shtetasit L. K., 44 vjeç, banues në Fier.
Shuma prej 42 000 eurosh u sekuestrua në cilësinë e provës materiale.
Materialet i janë kaluar Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër për veprime të mëtejshme.
