Policia e Gjirokastrës ka vënë në pranga një 64-vjeçar me banim në Greqi, i cili u përfshi në një aksident në rrugën Gjirokastër–Kakavijë. Ai dyshohet se humbi kontrollin e mjetit, duke u përplasur me automjetin e drejtuar nga një 30-vjeçar nga Tepelena. Të dy drejtuesit, si edhe pasagjerët, kanë pësuar dëmtime të lehta.

Në një rast tjetër, është nisur procedim penal ndaj shtetasit A. K., 34 vjeç, nga Durrësi. Sipas policisë, ai humbi kontrollin e automjetit në aksin Gjirokastër–Tepelenë, duke goditur një kalë. Materialet për ngjarjen janë dërguar në Prokurori për vijim të hetimeve.