Pas fitores së thellë ndaj PSG-së, lojtari i Chelseat, Tyrick George, ngurron t’i shtrëngojë dorën Donald Trumpit gjatë ceremonisë së medaljeve.
Chelsea ka fituar bindshëm Kupën e Botës për Klube, duke mposhtur Paris Saint-Germain me rezultatin 3-0 në një finale ku dominimi i londinezëve ishte i padiskutueshëm. Blutë e Londrës shkëlqyen në të gjitha repartet dhe vulosën një sukses të rëndësishëm në skenën ndërkombëtare.
Por përtej spektaklit në fushë, vëmendjen e rrëmbeu një moment gjatë ceremonisë së ndarjes së medaljeve. Futbollisti i ri i Chelseat, Tyrick George, u pa duke hezituar të japë dorën presidentit amerikan Donald Trump, i pranishëm në podiumin zyrtar.
Pamjet e këtij veprimi u kapën menjëherë nga kamerat dhe u shpërndanë në mënyrë virale në rrjetet sociale, duke ndezur debat për simbolikën që mbart ky gjest. Shumë komentues e kanë cilësuar si një qëndrim personal të lojtarit, ndërsa të tjerë kanë kërkuar më shumë shpjegime nga klubi apo vetë futbollisti.
Trump, i cili ka qenë shpesh figurë polarizuese në sport dhe politikë, nuk reagoi publikisht pas situatës, ndërsa ceremonia vazhdoi normalisht. Shumica e lojtarëve të Chelsea-t respektuan protokollin dhe shtrënguan duart me zyrtarët e pranishëm.
George, pjesë e skuadrës së parë të Chelseat, është një prej emrave më premtues të akademisë dhe përfshirja e tij në këtë turne ishte një hap i madh në karrierë. Gjesti i tij, pavarësisht se i shkurtër, është kthyer në pikë diskutimi për publikun sportiv dhe më gjerë.
Finalja e Kupës së Botës për Klube shënoi një tjetër sukses për klubin anglez, ndërkohë që pasojat e momentit protokollar me Trumpin pritet të kenë jehonë në ditët në vijim, si në mediat sportive ashtu edhe në ato politike.
