Flamurtari ka siguruar shërbimet e sulmuesit të ri italian Alesandro Bolzan, duke forcuar ndjeshëm repartin ofensiv për objektivin e trofeut në Superiore.
Alesandro Bolzan, 20 vjeç, do të jetë pjesë e skuadrës vlonjate për sezonin e ri. Lajmi është konfirmuar nga gazetari i njohur italian Xhanluka Di Marcio, duke e cilësuar këtë si një lëvizje të rëndësishme për Flamurtarin në merkato.
Sulmuesi që luan në qendër të repartit ofensiv është rritur në akademinë e Romës, ndërsa këtë verë kishte kaluar në ekipin e parë të Kaljarit në Seria A. Pavarësisht kësaj, ai ka zgjedhur të vijojë karrierën në Shqipëri, duke u bërë pjesë e një projekti ambicioz.
Bolzan nënshkroi kontratën e parë si profesionist këtë verë pas paraqitjeve të mira me ekipet e moshave të Cagliarit. Përvoja e tij në një ligë elitare dhe formimi në një akademi të njohur i japin Flamurtarit një aset të vlefshëm në sulm.
Sipas të dhënave të “transfermarkt”, kartoni i tij vlerësohet rreth 500 mijë euro, një tregues i qartë i cilësisë që sjell në skuadrën kuqezi. Ky investim tregon se klubi vlonjat është i vendosur të konkurrojë për trofe në këtë sezon.
Qendra e sulmit ishte një nga pikat ku Flamurtari kërkonte përforcime dhe ardhja e Bolzan shihet si alternativa ideale për të rritur efikasitetin në fazën ofensive. Lëvizjet e fundit tregojnë se merkato e vlonjatëve po zhvillohet me ritme të larta dhe ambicie të mëdha.
