Në ceremoninë përkujtimore të zhvilluar sot në qytetin e Lushnjes, me rastin e 81-vjetorit të Çlirimit të Shqipërisë, deputetja Kiduina Zaka ishte e pranishme së bashku me deputetin Elton Korreshi, në një aktivitet të organizuar nga Bashkia Lushnje.
Në fjalën e saj përshëndetëse, Zaka theksoi rëndësinë e kësaj date historike për kombin shqiptar dhe për qytetin e Lushnjes, i cili ka dhënë një kontribut të veçantë në Luftën Nacionalçlirimtare. Ajo vlerësoi sakrificën e dëshmorëve që dhanë jetën për një Shqipëri të lirë, dhe u shpreh se kjo ditë duhet të mbetet gjithmonë në kujtesën tonë kolektive si një simbol i guximit, qëndresës dhe dashurisë për atdheun.
“Kjo ditë është një thirrje për të mos harruar, për të nderuar dhe për të trashëguar idealet e lirisë dhe të bashkimit. Qoftë kjo një udhërrëfyes për brezat e rinj që të ndërtojnë një Shqipëri më të drejtë, më të zhvilluar dhe më të bashkuar,” – tha ndër të tjera deputetja Zaka.
