Në Fier është kremtuar paraditen e sotme 113 vjetori i Pavarësisë në një atmosferë festive të mbushur me ngjyrat kuq e zi. Ceremonia ka mbledhur autoritetet më të larta vendore, deputetë, nxënës, qytetarë të shumtë, përfaqësues të Drejtorisë Vendore të Policisë dhe të komuniteteve fetare.
Ngritja e flamurit është shoqëruar nga tingujt e bandës frymore të qytetit dhe me vendosjen e kurorave me lule pranë memorialit historik të ngritjes së flamurit. Në fjalën përshëndetëse, kryebashkiaku Armando Subashi ka vlerësuar sakrificat dhe guximin e të parëve që luftuan për lirinë dhe pavarësinë e vendit.
