Në Fier është finalizuar operacioni policor i koduar Tranziti, i zhvilluar për të identifikuar dhe goditur veprimtarinë e dhënies së ndihmës emigrantëve kundrejt fitimit për kalim të paligjshëm të kufirit. Operacioni u krye nga Seksioni për Hetimin e Trafiqeve të Paligjshme i DVP Fier në bashkëpunim me Forcën e Posaçme Shqiponja.
Si rezultat i veprimeve hetimore, u arrestua në flagrancë shtetasi G. B., 39 vjeç, banues në Tiranë, i dyshuar për veprën penale Ndihma për kalim të paligjshëm të kufijve. Ai u kap nga shërbimet e Policisë Rrugore Fier në aksin Fier Tepelenë duke transportuar kundrejt pagesës katër emigrantë me qëllim kalimin e paligjshëm të kufirit.
Materialet procedurale janë dërguar në Prokurorinë e Fierit për veprime të mëtejshme.
