Mes aromës së ullirit, traditës dhe bukurisë së vendlindjes, Perondia u vesh sot me ngjyrat e festës, duke sjellë në një panair të veçantë pasuritë bujqësore e blegtorale të zonës.

Në këtë ditë të mbushur me krenari e mikpritje, ulliri, simbol i paqes, begatisë dhe i jetës ndër breza, zuri vendin e merituar në stendat e panairit, së bashku me prodhimet dhe nënproduktet e tij.

Por kjo festë nuk ishte vetëm një panair prodhimesh. Ishte një udhëtim në rrënjët e historisë, në kujtesën e traditës dhe në shpirtin e kulturës vendase.

Nën ritmet e muzikës popullore, kënga dhe vallja gjallëruan atmosferën, ndërsa zërat e dy motrave, me interpretimin e tyre, zgjuan duartrokitjet dhe emocionet e spektatorëve.

Sepse aty ku tradita ruhet me dashuri, kultura merr jetë dhe festa bëhet kujtim.

Këto pamje vijnë përmes kamerës së TV Apollon, nga një aktivitet që ndërthur bukur historinë, traditën dhe kulturën e trevës së Kuçovës.

Festa e Ullirit në Perondi – aty ku toka dhuron begati dhe tradita mbjell krenari!