Në emisionin “Ballafaqim,” do të diskutohet për sfidat dhe mundësitë që i presin partitë e reja shqiptare në përpjekjet e tyre për të sfiduar dominimin politik të dy forcave kryesore të vendit, PS dhe PD.
Tema 1:A do të thyhet monopoli politik i partive të medha PS, PD nga partite e reja?!
Tema 2:Premtimet sociale dhe ekonomike të partive politike.
Gjatë këtij emisioni, do të trajtohen pyetje kyçe për të kuptuar nëse do të thyhet monopoli i këtyre dy partive dhe cilat janë faktorët që mund të ndikojnë në një ndryshim të mundshëm të ekuilibrave politikë në Shqipëri.
Për më shumë se 30 vjet, PS dhe PD kanë dominuar skenën politike shqiptare, duke u bërë dy forcat kryesore që kanë drejtuar vendin. Pse kanë mbetur këto dy parti në pushtet për kaq shumë kohë? Cilat janë mundësitë që partitë e reja të sfidojnë këtë dominim dhe të krijojnë një alternativë të besueshme për elektoratin shqiptar?
Një nga pengesat kryesore që partitë e reja hasin është sistemi zgjedhor, i cili, sipas disa ekspertëve, mund të favorizojë partitë tradicionale. A ka nevojë ky sistem për një reformë që do të mundësonte një garë më të drejtë mes partive të reja dhe atyre të vjetra? Çfarë mund të ndikojë në ndryshimin e ekuilibrave politikë, si roli i rinisë, diasporës dhe elektoratit gri?
Dhe si qëndron konkurrenca e partive të reja përballë PS dhe PD? A janë ato thjesht një derivat i politikave të mëparshme, apo vërtet ofrojnë një alternativë të re dhe inovative? Çfarë strategjish do të përdorin ato për të fituar mbështetje dhe si do të depërtojnë në sistemin politik dhe mediatik, që gjithmonë ka favorizuar partitë tradicionale?
Një tjetër pyetje që do të diskutohet është nëse elektorati është i gatshëm të ndryshojë kursin dhe të votojë për parti të reja. Do të jetë e mundur që këto parti të thyhen dhe të krijojnë një sistem më të hapur politik dhe më demokratik në Shqipëri? Përballë lodhjes së elektoratit dhe krizave të brendshme të partive të mëdha, çfarë mund të ndikojë në ndryshimin e kësaj dinamike politike?
Pjesa e dytë e emisionit do të fokusohet te premtoimet sociale dhe ekonomike të partive politike shqiptare. A janë mbajtur premtimet e kaluara të qeverisë? A janë realiste programet ekonomike dhe sociale që ofrojnë partitë për të ardhmen e Shqipërisë? Sa i besueshëm është financimi i këtyre premtimeve dhe kush do të përfitojë më shumë nga to?
Një tjetër temë do të jetë nëse rritja e pagave dhe pensioneve është një premtim që mund të realizohet, apo është thjesht një manovër politike për të fituar mbështetje gjatë periudhës zgjedhore. A duhet qytetarët të jenë më të vetëdijshëm dhe kërkues në lidhje me këto premtime? Dhe sa të realizueshme janë ato? A mund të garantohen se këto premtime nuk janë vetëm retorikë politike, por mund të realizohen në praktikë?
Pyetjet për debat:
Tema 1:A do të thyhet monopoli politik i partive të medha PS, PD nga partite e reja?!
- Dominimi politik i PS dhe PD – Pse kanë mbetur këto dy parti forcat kryesore të politikës shqiptare për më shumë se 30 vjet?
- Aftësia e partive të reja për të sfiduar sistemin – Çfarë pengesash hasin partitë e reja në përpjekjet për të krijuar një alternativë të besueshme?
- Sistemi zgjedhor dhe barazia e garës – A favorizon ky sistem partitë tradicionale dhe a ka nevojë për reformim?
- Faktorët që mund të ndikojnë në një ndryshim të ekuilibrave politikë – Roli i diasporës, i rinisë dhe i elektoratit gri.
- A janë partitë e reja vërtet një alternativë e re apo një derivat i së vjetrës?
- Cila është strategjia e partive të reja për të fituar mbështetje përballë PS dhe PD?
- Sa të vështirë e keni të depërtoni në sistemin politik dhe mediatik?
- A besoni se elektorati është i gatshëm të ndryshojë kurs dhe të votojë për parti të reja?
- Cilët janë shanset reale që partitë e reja të thyejnë monopolin e PS-PD?
- A ka faktorë që mund të ndikojnë në një ndryshim politik, si lodhja e elektoratit apo krizat e brendshme të partive të mëdha?
- A ndikon mënyra si janë strukturuar partitë tradicionale në mbajtjen e pushtetit të tyre?
- A ndjen nën presion partitë e vjetra politike që e kanë pasur monopol pushtetin për 35 vjet nga partitë e reja dhe si e vlerësoni konkurencën e tyre?
- Çfarë i ofroni elektoratit për të mbajtur besnikërinë e votuesve?
- A ka hapësirë për një sistem më të hapur politik dhe më demokratik?
Pyetjet për debat:
Tema 2:Premtimet sociale dhe ekonomike të partive politike.
- Realizimi i premtimeve të kaluara – A janë mbajtur premtimet sociale dhe ekonomike të qeverisë?
- Premtimet e reja – Sa realistë janë programet ekonomike dhe sociale të partive?
- Burimet financiare – A kanë partitë një plan konkret për financimin e premtimeve të tyre?
- Ndikimi në shtresat e ndryshme të shoqërisë – Kush përfiton më shumë nga këto premtime?
- A ka opozita një alternativë të besueshme për politikat ekonomike dhe sociale?
- Rritja e pagave dhe pensioneve është shpesh një premtim elektoral. A janë të qëndrueshme këto rritje ekonomikisht apo janë thjesht manovra politike?
- A duhet që qytetarët të jenë më të vetëdijshëm dhe kërkues për premtimet politike?
- A janë të realizueshme premtimet e partive politike apo kemi të bëjmë me premtime jorealiste?
- Si do të garantoni që premtimet tuaja nuk janë vetëm retorikë politike, por të realizueshme?
