Dy të rinj janë arrestuar në Tiranë pasi dyshohet se shpërndanin heroinë dhe kokainë në disa lagje të kryeqytetit. Shërbimet e Forcës së Posaçme “Shqiponja” ndaluan në rrugën “Mine Peza” një automjet tip “BMW”, që drejtohej nga shtetasi K. P., ndërsa pasagjer ishte shtetasi H. S.
Gjatë kontrollit fizik, te drejtuesi i mjetit K. P. u gjetën doza heroine dhe kokaine, ndërsa te pasagjeri H. S. u gjetën doza kokaine. Në përfundim të veprimeve procedurale, u arrestuan K. P., 21 vjeç, dhe H. S., 27 vjeç, të dy të dyshuar për veprën penale “Prodhimi dhe shitja e narkotikëve”.
Materialet procedurale janë referuar Prokurorisë së Tiranës për vijimin e hetimeve.
