Ish-presidenti amerikan Donald Trump ka bërë të ditur përmes një postimi në platformën e tij Truth Social se ka zhvilluar një bisedë telefonike me superyllin portugez të futbollit, Cristiano Ronaldo. Trump u shpreh entuziast për telefonatën dhe e përshkroi Ronaldon si “një njeri të jashtëzakonshëm, jo vetëm si sportist, por edhe si person”.
“Cristiano Ronaldo, futbollisti i madh, sapo më telefonoi për të më falënderuar për vizitën që i bëra këtë javë në Shtëpinën e Bardhë dhe në Zyrën Ovale. Ai është një tip i pabesueshëm, jo vetëm si atlet, por edhe si njeri. Nuk ka më të mirë se ai!!!”, shkroi Trump në deklaratën e tij online.
Vizita që përmend Trump ka ndodhur muajin e kaluar, kur Ronaldo ndodhej në Uashington si pjesë e një delegacioni saudit. Gjatë qëndrimit, ai dhe partnerja e tij, Georgina Rodriguez, u pritën në Zyrën Ovale dhe u shoqëruan personalisht nga Trump në ambientet e Shtëpisë së Bardhë. Çifti vizitoi korridoret historike, të zbukuruara me tablo dhe portrete presidentësh amerikanë, përpara se takimi të përfundonte me fotografi në zyrën presidenciale.
Postimi i Trump ka tërhequr vëmendje të madhe në rrjetet sociale, duke rikthyer në fokus marrëdhënien miqësore mes ish-presidentit amerikan dhe një prej sportistëve më të njohur në botë.
