Shfaqja e Trinisë së Shenjtë u kremtua edhe nga besimtarë të shumtë në Kishën e Shën Dhimitrit në Kokotovë, Mazhaj. Meshën e shenjtë e drejtoi Ikonomi i Lushnjës, Divjakës dhe gjithë Myzeqesë, At Tertio. Rituali tradicional i hedhjes së kryqit në ujërat e lumit Seman u anulua për shkak të reshjeve të dendura. Besimtarët morën ujë të bekuar për në shtëpi, duke e përdorur për bekimin e familjes, të mbjellave dhe blegtorisë. At Tertio përcolli një mesazh paqeje, begatie dhe mbarësie për të gjithë besimtarët e Myzeqesë dhe mbarë Shqipërisë.