Data 1 prill është e njohur në shumë vende si Dita e Gënjeshtrave, një ditë që lidhet me shakatë dhe gënjeshtrat, por çfarë fshihet pas kësaj dite dhe si ka origjinën ajo? Dita e 1 prillit dikur ishte festuar si dita e Vitit të Ri. Megjithatë, pas ndryshimit të kalendarit nga Julian në Gregorian nga Papa Gregory XIII në vitin 1582, data e Vitit të Ri u vendos më 1 janar. Pavarësisht kësaj, disa individë vazhduan ta festonin vitin e ri në 1 prill, duke u tallur kështu me ata që e ndjekin kalendarin e ri.
Sipas një teorie të njohur, Dita e Gënjeshtrave ka origjinën gjatë periudhës së sundimit të Perandorit Kostantin. Një shakaxhi i quajtur Kugel, pasi e sfidoi Kostantinin duke thënë se mund ta drejtonte perandorinë më mirë se ai, fitoi një ditë si perandor. Kostantini, duke e marrë këtë kërkesë me qeshje, e lejoj Kugel-in që të drejtonte perandorinë për një ditë, më 1 prill. Ky moment u shpall si Dita e Gënjeshtrave.
Ky shpjegim i Profesor Joseph Boskin u bë i njohur pas publikimit në vitin 1983 nga Associated Press, por kishte një problem. Boskin kishte shpikur këtë histori si një shaka për Ditën e 1 prillit. Pas zbulimit të mashtrimit, Associated Press kërkoi falje për këtë “gënjeshtër” që u shpërnda si e vërtetë.
Në ditët e sotme, 1 prilli është një festë popullore, veçanërisht në Europë, ku njerëzit kryejnë shaka dhe tallje me njëri-tjetrin, duke u argëtuar me shpikje dhe gënjeshtra të pafajshme. Ky ditë ka kaluar përtej kufijve të traditës, duke u shndërruar në një mundësi për t’u shprehur me humor dhe kreativitet.
Një nga gënjeshtrat më të famshme të Ditës së Gënjeshtrave është ajo që u publikua nga BBC në vitin 1957, kur mijëra shikues besuan një raport sipas të cilit shkencëtarët në Zvicër kishin zbuluar pemë që prodhonin makarona. Një tjetër shembull është gënjeshtra e Louis Tomlinson, anëtar i grupit One Direction, i cili në vitin 2012 bëri thirrje për të gënjyer fansat duke u thënë se do të bëhej baba.
Po ashtu, një nga shakatë më të çmendura ka ndodhur kur një grua amerikane, pasi deklaroi se kishte vrarë burrin e saj, u arrestua nga policia, duke bërë kështu një nga gënjeshtrat më të pazakonta të kësaj dite.
Dita e Gënjeshtrave vazhdon të mbetet një ngjarje tradicionale që sjell humor dhe lehtësi në jetën e përditshme të njerëzve, duke u bërë një mundësi për të shpëtuar nga rutina dhe për t’u argëtuar me të tjerët, edhe pse origjina e saj ka ende mistere të pazbuluara plotësisht.
