Që prej orëve të para të mëngjesit janë evakuuar dhjetë familje, si pasojë e përmbytjeve që kanë prekur zonën, ndërsa situata vijon të mbetet problematike.

Sipas të dhënave paraprake, mbi 20 banesa ndodhen të rrethuara nga uji dhe në disa prej tyre ka prani uji brenda. Përmbytjet kanë shkaktuar dëme të mëdha edhe në bujqësi, ku bilanci fillestar flet për rreth 1000 hektarë tokë bujqësore të përmbytura, si brenda ashtu edhe jashtë argjinaturës.

Në zonën e Asturkasit ndodhen forcat e Policisë, të cilat po ofrojnë mbështetje për banorët dhe po ndihmojnë në menaxhimin e situatës, ndërsa autoritetet vijojnë monitorimin e zhvillimeve në terren.