Depresioni, një nga sëmundjet më të përhapura psikologjike, prek rreth 280 milionë njerëz në mbarë botën.
Megjithatë, çdo individ që vuan nga depresioni nuk e përjeton këtë sëmundje në të njëjtën mënyrë. Sidoqoftë, një element i përbashkët mes pacientëve të prekur është uria për karbohidrate. Ky fenomen është zbuluar nga një studim i fundit nga Klinika Universitare e Bonit dhe Tybingenit në Gjermani.
Një nga gjetjet më të rëndësishme të këtij studimi është se uria për karbohidrate tek individët me depresion nuk lidhet thjesht me rritjen e apetitit, siç ishte menduar më parë. Sipas Lilly Thurn, drejtoreshë e studimit, ky neps është më i lidhur me depresionin e thellë dhe simptomat e tij, si frika dhe ankthi, sesa me shenjat e zakonshme të urisë.
Kjo ka një shpjegim biologjik, që lidhet me ndryshimet që ndodhin në mikrobiomën e zorrës gjatë depresionit. Sipas Nils Kroemer, njëri nga studiuesit kryesorë, depresioni mund të shkaktojë ndryshime në sistemin e tretjes, duke përfshirë dëmtimin e komunikimit midis stomakut dhe trurit përmes nervit vagus. Ky ndryshim ka një ndikim të drejtpërdrejtë në përqendrimin e energjisë në trup, me karbohidratet që ofrojnë një furnizim më të shpejtë me energji për qelizat.
Një tjetër gjetje e rëndësishme është se mikrobioma e zorrës te individët me depresion është ndryshe nga ajo e individëve të shëndetshëm. Studimet tregojnë se këto ndryshime mund të jenë të lidhura me simptomat e depresionit dhe mund të përmirësohen me përdorimin e ushqimeve që përmbajnë probiotikë. Kjo mund të jetë një hap drejt trajtimit të depresionit në të ardhmen.
Megjithatë, pyetja që lind është: duhet që ata që vuajnë nga depresioni të heqin dorë nga ushqimet që përmbajnë karbohidrate dhe ëmbëlsira? Sipas Kroemer, jo. Ai thekson se heqja dorë nga këto ushqime nuk ka treguar rezultate të mira në trajtimin e depresionit. Në fakt, ndryshimet në preferencat ushqimore tek njerëzit me depresion janë një pasojë e sëmundjes dhe jo shkaku i saj.
Një problem tjetër që duhet shqyrtuar është se cili është shkaku dhe cili është pasoja. A është ushqimi shkaktar i depresionit, ose është depresioni që ndikon në përmirësimin e zakoneve ushqimore dhe, për rrjedhojë, në mikrobiomën? Pavarësisht nga përgjigjet e mundshme, studiuesit janë të mendimit se fokusi i trajtimit duhet të jetë në përmirësimin e tretjes dhe shëndetit të zorrëve, pasi këto faktorë mund të jenë pjesë e një cikli të mbyllur që ushqen depresionin.
Në nivelin institucional, aktualisht në Gjermani, nuk ka udhëzime të qarta që inkurajojnë analizimin e mikrobiomës te pacientët me depresion. Megjithatë, eksperti Kroemer e sheh të nevojshme përqendrimin në këtë aspekt të ri të trajtimit të depresionit. Ndërkohë, Lilly Thurn beson se të ardhmen e trajtimit të depresionit mund ta sjellin terapitë që merren me lidhjen mes zorrëve dhe trurit, një qasje e re dhe premtuese që mund të ofrojë rezultate më të mira për pacientët.
Në fund, ajo që është e qartë është se trajtimi i depresionit duhet të shtrihet përtej medikamenteve dhe të përfshijë një qasje më të holistikë, ku ushqimi dhe shëndeti i mikrobiomës janë pjesë e një plani të integruar trajtimi.
