Dy shtetas anglezë janë dënuar me burgim të përjetshëm pas një grabitjeje të dhunshme që përfundoi me vrasjen e shqiptarit Indrit Mustafaj, 26 vjeç.

Michael Mulvana, 32 vjeç, dhe Jobie Tyers, 28 vjeç, të dy nga Jorku, hynë me dhunë në apartamentin e një gruaje, ku ndodhej edhe Indrit Mustafaj. Gjatë ngjarjes, autorët plagosën rëndë gruan dhe më pas sulmuan shqiptarin.

Sipas të dhënave të çështjes, Indrit Mustafaj tentoi të fshihej në një cep të dhomës, por autorët e goditën me hanxhar, duke i shkaktuar plagë fatale. I riu ndërroi jetë në vend si pasojë e dëmtimeve të marra.

Gjykata i shpalli fajtorë të dy autorët për grabitje të dhunshme dhe vrasje, duke i dënuar me burgim të përjetshëm.