Në portin më të madh në vend është emëruar Zëvendësdrejtori i Përgjithshëm i Autoritetit Portual, një post që nuk ekzistonte prej disa vitesh, pasi ish-drejtori Pirro Vengu e kishte hequr nga organograma e APD-së.

Zv/drejtori i ri i APD-së është Rubin Rredhi, 24 vjeç.

Ende nuk është e qartë se kur ka ndodhur emërimi i tij, i cili raportohet se është bërë nga Belinda Balluku, e cila është pezulluar nga detyra si zv/kryeministre dhe ministre e Infrastrukturës dhe Energjetikës.

Kujtojmë se më 6 shkurt, Gjykata Kushtetuese la në fuqi pezullimin e Ballukut, të caktuar më parë nga GJKKO me kërkesë të SPAK.

Ndërkohë, nuk dihen eksperiencat e tjera profesionale të zv/drejtorit Rredhi, të cilit i besohet një detyrë shumë e rëndësishme në një moshë relativisht të re.