Komisionerja për Zgjerimin e Bashkimit Europian, Marta Kos, ka dhënë vlerësimin zyrtar për zgjedhjet e 11 majit në Shqipëri, duke deklaruar se procesi zgjedhor u zhvillua në mënyrë të lirë dhe të ndershme.
Në një deklaratë për mediat, Kos theksoi se çdo sugjerim për përmirësim është i mirëpritur, pasi ndihmon Shqipërinë në rrugëtimin e saj drejt anëtarësimit në Bashkimin Europian.
“Zgjedhjet kanë qenë të lira dhe të ndershme. Është gjithmonë pozitive kur ofrohen rekomandime për përmirësime, pasi kjo ndihmon si Shqipërinë ashtu edhe BE-në,” u shpreh Komisionerja.
Ky vlerësim i BE-së vjen pas publikimit të raporteve monitoruese për zgjedhjet lokale, ku janë theksuar standardet demokratike të respektuara gjatë procesit, pavarësisht disa rekomandimeve teknike për fazat e ardhshme zgjedhore.
