Niveli i ujit arriti pikën kritike pranë argjinaturës, duke rrezikuar seriozisht zonat e banuara.

Banorët kanë treguar se gjatë gjithë natës kanë qëndruar zgjuar, pasi uji ishte shumë pranë argjinaturës dhe ekzistonte frika se mund të depërtonte në banesat e tyre.

Gjatë gjithë orëve të natës, në terren ka qenë i pranishëm shtabi i emergjencave, së bashku me autoritetet lokale dhe deputetë të zonës. Falë ndërhyrjes së tyre, argjinatura është përforcuar në disa pika problematike, ku rreziku i çarjes dhe i përmbytjes ishte më i lartë.