Ky hap vjen pavarësisht kundërshtimeve të forta nga komuniteti lokal dhe organizatat mjedisore, të cilat prej kohësh kanë ngritur shqetësime serioze për ndikimin e projektit në mjedis dhe në jetesën e zonës. Çështja është dërguar edhe në gjykatë, ndërsa janë paraqitur ankesa pranë institucioneve europiane, të cilat kanë rekomanduar pezullimin e punimeve deri në një shqyrtim të plotë të procedurave.

Megjithatë, sipas kritikëve të projektit, vendimmarrja është favorizuar nga lidhje dhe mbështetje në nivele të larta politike, duke anashkaluar zërin e komunitetit dhe paralajmërimet e ekspertëve. Organizatat mjedisore pretendojnë se janë shpërfillur jo vetëm kundërshtimet e tyre, por edhe udhëzimet për transparencë dhe respektim të standardeve europiane.

Nisja e punimeve, në këto kushte, rihap debatin mbi mënyrën se si miratohen dhe zbatohen projekte të mëdha energjetike në vend, si dhe mbi balancën mes zhvillimit ekonomik dhe mbrojtjes së mjedisit.