Qyteti antik i Apolonisë në Fier mbetet një thesar historik e kulturor, që çdo vit mirëpret qindra vizitorë vendas e të huaj me vlera unike dhe të rralla.
Qyteti antik i Apolonisë, një nga perlat e Bashkisë Fier, vazhdon të jetë një destinacion i pashmangshëm për turistët. I vendosur mbi një kodër me pamje mahnitëse, ai mbart shekuj historie dhe kulturë që ndërthuren me natyrën e gjelbëruar që e rrethon, raporton gazetari Ndriçim Gjoshi.
Gjatë verës, numri i vizitorëve rritet ndjeshëm, duke e kthyer Apoloninë në një qendër të rëndësishme të turizmit kulturor. Çdo udhëtim në këtë qytet të lashtë është një kthim pas në kohë, aty ku rrugicat me kalldrëm dhe tempujt antikë të kujtojnë lavdinë e një epoke të shkuar.
Për turistët e huaj, Apolonia përfaqëson një dëshmi të jashtëzakonshme të trashëgimisë ballkanike dhe ndikimit greko-romak. Për shqiptarët, ky vend mbetet një simbol krenarie kombëtare, një kujtesë e gjallë e rrënjëve dhe identitetit historik.
Vizitorët nuk ngurojnë të ndalojnë për të fiksuar në fotografi pamjet e mrekullueshme të rrënojave dhe monumenteve. Ata shprehen të mahnitur jo vetëm nga bukuria arkitektonike, por edhe nga mikpritja që gjejnë në çdo hap.
Apolonia është shumë më tepër sesa një atraksion turistik. Ajo është një dëshmi e gjallë e historisë së popullit shqiptar, një vend ku koha duket se ndalet për të ruajtur kujtimet dhe vlerat e një civilizimi të lashtë.
Një vizitë në këtë qytet të lashtë nuk është thjesht një ekskursion, por një përvojë kulturore që të mbetet gjatë në kujtesë. Paqja që të ofron, e kombinuar me madhështinë e peizazheve dhe historisë, e kthen Apoloninë në një destinacion unik.
Kalimi i një fundjave në Apoloni është një ftesë për të jetuar një eksperiencë të plotë, ku natyra, historia dhe kultura shkrijnë kufijtë e kohës dhe lënë gjurmë të pashlyeshme tek çdo vizitor.
