Një aksident rrugor është regjistruar mëngjesin e sotëm në aksin Fier–Levan, në zonën e njohur si Kthesa e Azotikut. Sipas informacionit paraprak, një autobus që udhëtonte drejt Vlorës është përplasur me një automjet tip Audi. Si pasojë e goditjes, Audi ka dalë nga rruga dhe ka përfunduar në kanalin anësor.
Fatmirësisht, nuk raportohet për të lënduar.
Shërbimet e policisë dhe grupi hetimor mbërritën menjëherë në vendngjarje. Ata po punojnë për të përcaktuar rrethanat dhe shkaqet e aksidentit, si edhe për të menaxhuar qarkullimin në këtë segment të trafikuar.
