Zjarret kanë përfshirë vendin. Agron Gjekmarkaj ka reaguar për situatën në Mirditë ndërsa thekson se janë djegur hektarë pyjesh, ndërsa flakët po u afrohen banesave.

Gjithashtu ai thekson se në këtë situatë kritike, organet shtetërore duhet të shtojnë urgjentisht forcat në terren dhe të marrin çdo masë për mbrojtjen e banesave, njerëzve dhe pasurisë së tyre në Mirditë e kudo ku ka zjarre.

Zjarret që kanë përfshirë vendin gjatë këtyre ditëve po sjellin pasoja të rënda për pyjet, faunën dhe jetën e qytetarëve. Hektarë të tëra pyjesh po digjen aktualisht në Mirditë, ndërsa flakët po afrohen rrezikshëm pranë banesave.

Dorëzimi i shtetit përballë kësaj situate, pa masa të mjaftueshme dhe pa një reagim të shpejtë e të koordinuar, është shenjë e qartë neglizhence dhe papërgjegjshmërie.

I bëj thirrje organeve shtetërore të shtojnë urgjentisht forcat në terren dhe të marrin çdo masë për mbrojtjen e banesave, njerëzve dhe pasurisë së tyre në Mirditë e kudo ku ka zjarre.