Monika Kryemadhi ka dalë në mbrojtje të ish-bashkëshortit të saj, Ilir Meta, duke shprehur publikisht mbështetjen për të.
Gjatë deklaratës së saj të fundit, ajo i ka bërë akuza avokatit Genc Gjokutaj, të cilin e ka kritikuar për qasjen e tij në çështjen gjyqësore.
Kryemadhi u shpreh se avokati Gjokutaj nuk është treguar serioz në mbrojtjen e Metës. Sipas saj, ai duhet të kishte kërkuar masën e “detyrimit për paraqitje” për Metën në vend që të dërgonte çështjen drejt burgimit.
Duke vazhduar me kritikat e saj, Kryemadhi theksoi se Meta është duke vuajtur pasojat padrejtësisht dhe se sipas saj, avokati ka gabuar në mënyrën se si e ka trajtuar situatën ligjore të Metës.
Ajo gjithashtu nënvizoi se beson fuqimisht në pafajësinë e Metës, duke argumentuar se ai nuk është fajtor për akuzat që i janë ngritur dhe se ai po bën burg padrejtësisht për shkak të saj.
Deklarata e Kryemadhit ka ngjallur interes të madh publik dhe duket se e ka pozicionuar atë si një mbrojtëse të vendosur të ish-bashkëshortit të saj, duke theksuar padrejtësinë e situatës aktuale.
