Feyenoord ka marrë një vendim të papritur dhe ka shkarkuar trajnerin Brian Priske, vetëm dy ditë para ndeshjes së rëndësishme të Play off-it të Champions League ndaj Milanit.
Klubi holandez ka njoftuar publikisht këtë zhvillim, duke e bërë të ditur se marrëdhënia me trajnerin danez ka mbaruar.
“Feyenoord dhe Brian Priske ndajnë rrugët. Ne falenderojmë Brian për kohën e shpenzuar në klubin tonë dhe i urojmë atij gjithë të mirat në karrierën e tij të mëtejshme,” thuhet në deklaratën e klubit holandez. Ky shkarkim vjen në një moment kyç për Feyenoord, që është duke u përgatitur për një sfidë të madhe kundër Milanit në garën më të rëndësishme të klubeve evropiane.
Priske ka drejtuar Feyenoord për 33 ndeshje, ku ekipi ka arritur mesatarisht 1.58 pikë për ndeshje, një bilanc që, megjithatë, nuk ka qenë i mjaftueshëm për të siguruar vazhdimësinë e tij në stol. Vendimi i klubit ka befasuar shumë, duke shtuar më shumë pasiguri për të ardhmen e ekipit në prag të një ndeshjeje vendimtare.
Ky shkarkim para një ndeshjeje kaq të rëndësishme tregon për ndryshimet e shpejta që mund të ndodhin në futboll, veçanërisht kur ekipi është përballë një sfide të madhe si kualifikimi për fazën e grupeve të Champions League. Feyenoord tani do të duhet të gjejë një zëvendësues të menjëhershëm për të drejtuar skuadrën në një nga ndeshjet më të vështira të sezonit.
Për tifozët e Feyenoord, ky është një moment i vështirë, pasi shpresat për një performancë të mirë kundër Milanit janë ende të larta, por pa një trajner të ri në prag të kësaj përballje, situata bëhet edhe më e pasigurt.
