Mbrëmja e ndarjes së çmimeve Grammy 2025 nuk ishte vetëm një festë për muzikën, por edhe një paradë yjesh, ku mes të ftuarve spikati Paris Hilton me një paraqitje të guximshme dhe provokuese në ‘after party’.
E njohur për stilin e saj ekstravagant, trashëgimtarja e famshme mbërriti në Crypto.com Arena në Los Angeles e shoqëruar nga bashkëshorti i saj, biznesmeni Carter Ream. Pas ceremonisë, çifti iu bashkua një eventi ekskluziv të organizuar nga producenti muzikor Clive Davis, ku Hilton tërhoqi vëmendjen me zgjedhjen e saj të veshjes.
Ajo veshi një fustan të zi të ngushtë dhe transparent, i cili linte shumë pak vend për imagjinatën. Duke ekspozuar linjat e saj elegante, ylli i famshëm vendosi të mos vishte reçipeta, ndërsa të brendshmet e saj të zeza ishin lehtësisht të dukshme përmes materialit delikat të fustanit.
Fotografitë e Hilton nga kjo mbrëmje nuk vonuan të shpërndaheshin në rrjetet sociale, ku ajo publikoi disa imazhe në Instagram, duke i dhënë ndjekësve një vështrim nga festa madhështore.
Paraqitjet e saj gjithmonë tërheqin vëmendje, dhe kjo nuk ishte përjashtim. Pavarësisht komenteve të ndryshme që ndezën rrjetin, Hilton vazhdon të mbetet një ikonë stili, e cila di si të bëjë bujë në çdo event ku shfaqet.
Ndërsa Grammy 2025 ishin një ngjarje për të nderuar muzikën më të mirë të vitit, festa pas saj u shndërrua në një arenë mode dhe ekstravagance, ku Hilton, me sharmin e saj të zakonshëm, e siguroi një vend në qendër të vëmendjes.
