Ministria për Evropën dhe Punët e Jashtme (MEPJ) ka nderuar sot 557-vjetorin e vdekjes së Gjergj Kastriot Skënderbeut, heroit të kombit shqiptar, duke theksuar kontributin e tij të jashtëzakonshëm në ndërtimin e themeleve të diplomacisë dhe forcimin e lidhjeve ndërkombëtare.
Në një postim në rrjetet sociale, MEPJ vlerësoi Skënderbeun si një strateg të shquar dhe diplomat të jashtëzakonshëm, i cili arriti të krijojë ura komunikimi dhe aleanca me fuqitë e kohës, duke e pozicionuar Shqipërinë si një aktor të rëndësishëm në arenën ndërkombëtare të shekullit XV. Ministria theksoi gjithashtu se trashëgimia e Skënderbeut vazhdon të frymëzojë angazhimin për një Shqipëri të fortë dhe të respektuar në Evropë dhe në botë.
Sot, 557 vjet pas vdekjes së tij, trashëgimia e Skënderbeut mbetet një burim krenarie dhe frymëzimi për shqiptarët. Pavarësisht kalimit të shekujve, figura e tij si udhëheqës i luftës për liri dhe pavarësi mbetet e paanashkaluar në historinë e kombit shqiptar. Si një burrë shteti, ai jo vetëm që udhëhoqi popullin shqiptar në betejat kundër pushtimit osman, por gjithashtu la një trashëgimi të pazëvendësueshme në fushën e diplomacisë.
Në përvjetorin e vdekjes së Skënderbeut, MEPJ e cilëson trashëgiminë e tij si një ngarkesë të rëndësishme për Shqipërinë moderne, duke nënvizuar se misioni i ministrisë është të vazhdojë të përfaqësojë vendin në arenën ndërkombëtare me dinjitet dhe përkushtim, duke u mbështetur në shembullin e Skënderbeut.
Gjergj Kastrioti Skënderbeu, i cili ndroi jetë më 17 janar 1468, ishte një figurë kyçe në luftën për lirinë dhe pavarësinë e popullit shqiptar, duke udhëhoqur rezistencën kundër sundimit osman për shumë vite. Ai është nderuar dhe mbetet një simbol i unitetit dhe guximit të kombit shqiptar. Pas vdekjes së tij, figura e Skënderbeut ka vazhduar të shërbejë si një burim i fortë i frymëzimit për shqiptarët, duke i udhëhequr ata në betejat e shumta për mbrojtjen e atdheut dhe identitetit kombëtar.
Në këtë 557-vjetor, Shqipëria dhe shqiptarët kudo në botë e nderojnë këtë hero legjendar, i cili la një trashëgimi të paharrueshme jo vetëm në luftën për liri, por edhe në diplomaci, duke ndërmarrë hapa të rëndësishëm për forcimin e lidhjeve ndërkombëtare të popullit shqiptar.
