Policia e Beratit ka njoftuar se ka arrestuar investitoren e një objekti, pas vdekjes tragjike të një punëtori, që ra viktimë nga një masiv gurësh gjatë punimeve për rikonstruksionin e një objekti afër kalasë së qytetit.
Shtetasi G. S., i cili humbi jetën, u zgjua poshtë një masivi guri që u shkëput nga zona e kalasë, ndërsa hetimet kanë zbuluar shkelje të rënda të kushteve të sigurisë në punë.
Në kuadër të hetimeve, Policia e Beratit arrestoi investitoren e objektit, shtetasen V. S., 45 vjeçe, si person përgjegjës për këtë ngjarje tragjike. Ndërkohë, administratori i firmës dhe drejtuesja teknike janë shpallur në kërkim për të dhënë llogari për rrethanat që çuan në këtë fatkeqësi. Ata janë shtetasit Ç. H., 53 vjeç, dhe I. Ç., 41 vjeçe.
Sipas hetimeve të deritanishme, G. S. punonte pa kontratë dhe pa regjistrim në organet tatimore, një fakt që i shton seriozitetin ngjarjes dhe tregon një neglizhencë të dukshme nga ana e përgjegjësve të punimeve. Burime të siguruara nga policia bëjnë të ditur se vdekja e punëtorit ka ndodhur si pasojë e shkeljeve të rënda të rregullave të sigurisë në punë.
Përveç tragjedisë, hetuesit kanë zbuluar se investitorja dhe menaxherët e firmës kanë tentuar të fshehin detaje të rëndësishme për identitetin e personave përgjegjës për punimet dhe ngjarjen. Ky veprim ka komplikua hetimet, duke shtuar dyshimet për përpjekje për të penguar zbardhjen e të vërtetës.
Ky rast ka ngjallur shqetësim për kushtet e sigurisë në sektorin e ndërtimit dhe për mënyrën se si menaxhohen punimet në zona me rrezikshmëri të lartë. Pjesë e hetimeve janë edhe procedurat që duhet të ndiqen për punonjësit e papunësuar dhe të paregjistruar në organet tatimore, çka e bën këtë ngjarje edhe më alarmante.
Policia ka vijuar me hetimet për të zbardhur çdo aspekt të ngjarjes dhe për të ndëshkuar ata që kanë shkelur ligjin dhe kanë kontribuar në këtë tragjedi. Rasti po monitorohet nga autoritetet e tjera lokale dhe qendrore, ndërsa qytetarët e Beratit janë të shqetësuar për sigurinë në vendet e punës.
