Në Bashkinë Roskovec, përgatitjet për nisjen e vitit të ri mësimor janë shtrirë në të gjitha njësitë administrative të bashkisë, me qëllim që institucionet arsimore të jenë gati për pritjen e nxënësve në ditën e parë të shkollës.Keshtu eshte shprehur per Tv Apollon Nenkryatari i Bashkise ,Maksim Goga.
Ndërhyrjet, sipas tij përfshijnë godinat e institucione arsimore ne njësitë administrative Roskovec, Kurjan, Kuman dhe Strum.Sipas tij
përgatitjet për vitin e ri mësimor janë shtrirë në të gjitha njësitë administrative të Bashkisë Roskovec. Po punohet për të garantuar kushtet e nevojshme në objektet arsimore dhe për një nisje sa më të mbarë të procesit mësimor.

Sipas Planit të Arsimit Parauniversitar të miratuar nga Bashkia Roskovec, puna për përgatitjen e institucioneve arsimore po ndiqet në bashkëpunim me Zyrën Vendore të Arsimit Parauniversitar Roskovec, në përputhje me përgjegjësitë e secilit institucion ka theksuar
Elvisa Baxhia pergjegjese e sektorit temaxhimit te arsimit universitar ne bashkine Roskovec.
Sipas saj përveç investimeve kapitale dhe rikonstruksioneve të plota të objekteve arsimore, ndërhyrjet përfshijnë mirëmbajtjen e godinave, ndërhyrje sanitare, si dhe higjienizimin dhe dezinfektimin e ambienteve shkollore.
Gjithashtu zonja Baxhia ka pohuar se një prej investimeve aktuale është rikonstruksioni i shkollës 9-vjeçare në Arapaj, ku punimet vijojnë.

Ndërkohë, ndërhyrjet e mirëmbajtjes dhe përgatitjes së ambienteve synojnë që shkollat të jenë në kushte të përshtatshme për nxënësit dhe mësuesit përpara nisjes së vitit të ri mësimor.