23 ditë që vazhdon protesta e qytetarëve të Divjakës kundra projektit të PS për reformën administrative territoriale.
Ndonëse numri i pjesëmarrësve vjen në ulje për shkak të presioneve të administratës dhe pushtetit qëndror nëpërmjet tatimeve dhe mënyrave të tjera, qëndrestarët në shesh vazhdojnë të protestojnë.
Folësit kanë kërkuar nga qeveria të shuajë Divjakën nga projekti ” Mazniku” për territorialen.
Ndërkohë që kërkojnë edhe nga administrata e bashkisë dhe deputetët që i përfaqësojnë të vijnë në shesh.

Marshimi në rrugët e qytetit vijon për çdo natë ku qytetarët kërkojnë që bashkia e Divjakës të mos shkrihet me Lushnjen por të mbetet bashki.