Në kuadër të festimeve për Ditën e Verës, nxënës të disa shkollave në Fier prezantuan punimet e tyre artistike të frymëzuara nga pranvera dhe natyra. Aktiviteti u zhvillua në një ambient të gjelbëruar, ku fëmijët ekspozuan vizatime dhe krijime plot ngjyra.

Përmes artit, ata përcollën mesazhe për dashurinë ndaj natyrës, ruajtjen e mjedisit dhe gëzimin që sjell ardhja e pranverës. Ekspozita krijoi një atmosferë festive, duke e kthyer festën në një moment kreativ për fëmijët.