Gjykata Kushtetuese ka shpallur antikushtetues vendimin për mbylljen e platformës TikTok, duke vlerësuar se me këtë akt është cenuar liria e shprehjes.

Në arsyetimin e saj, gjykata thekson se bllokimi i aplikacionit nuk mund të realizohej përmes një vendimi të qeverisë, pasi kufizimi i të drejtave dhe lirive themelore të qytetarëve mund të bëhet vetëm me ligj.

Sipas qëndrimit të Kushtetueses, ndërhyrje të tilla që prekin ushtrimin e lirive kushtetuese kërkojnë bazë të qartë ligjore dhe jo vendimmarrje në nivel ekzekutiv.

Vendimi i Gjykatës Kushtetuese e konsideron mbylljen e TikTok si një masë që ka tejkaluar kompetencat e parashikuara dhe që bie ndesh me parimet kushtetuese mbi garantimin e lirive themelore.