Sfida mes Apolonia Fier dhe Pogradecit u shoqërua me tension të lartë deri në fund. Liqenorët arritën fitoren 2-1 falë një goli të shënuar nga Pius në minutat e fundit të takimit.

Në shtesë, nervozizmi i fierakëve u kthye në veprime antisportive. Ersiljdo Asllanaj u ndëshkua me karton të kuq pas një ndërhyrjeje të ashpër ndaj kundërshtarit. Menjëherë pas këtij episodi, në fushë shpërtheu sherri mes lojtarëve të të dyja skuadrave, duke e mbyllur ndeshjen në kaos.

Për shkak të incidenteve të ndodhura, Apolonia Fier pritet të përballet me masa disiplinore nga organet përkatëse. Vendimi zyrtar pritet në ditët në vijim.