Dy persona janë plagosur me thikë pas një konflikti të ndodhur mbrëmjen e djeshme në lagjen nr. 4 të qytetit të Sarandës.

Sipas të dhënave paraprake, konflikti ka ndodhur mes shtetasve Enea Qorri dhe Arnest Gjoncaj dhe dyshohet se ka nisur për motive të dobëta. Si pasojë, të dy personat kanë mbetur të plagosur.

Arnest Gjoncaj, 27 vjeç, banues në fshatin Gjashtë, është goditur me thikë pas shpine dhe është transportuar me urgjencë drejt Tiranës për ndihmë mjekësore të specializuar.

Policia e Sarandës po kryen hetimet për sqarimin e plotë të rrethanave të ngjarjes.