Një punonjës i Institucionit të Ekzekutimit të Vendimeve Penale në Durrës ka kallëzuar në polici një rast vjedhjeje të ndodhur në banesën e tij, ku persona ende të paidentifikuar kanë marrë armën e shërbimit dhe kursimet personale.

Sipas kallëzimit, shtetasi me inicialet Sh. M., 43 vjeç, banues në Durrës, ka deklaruar se vjedhja ka ndodhur gjatë mbrëmjes, kur autorë të panjohur kanë hyrë në banesën e tij dhe kanë marrë armën e shërbimit, si edhe një arkë ku ai mbante kursimet.

Pas denoncimit, strukturat e policisë kanë nisur veprimet hetimore për identifikimin dhe kapjen e autorëve, ndërsa materialet procedurale i janë referuar Prokurorisë së Durrësit për veprime të mëtejshme ligjore.

Policia po vijon hetimet për zbardhjen e plotë të rrethanave të ngjarjes.