Seanca gjyqësore në Gjykatën e Posaçme ndaj ish-presidentit Ilir Meta është shtyrë, pas zhvillimeve dhe debateve mes palëve lidhur me provat e paraqitura në proces.

Gjatë seancës, prokurorët kanë paraqitur dhe lexuar një pjesë të parashtrimeve të tyre, ndërsa diskutimet u përqendruan te vlerësimi i provave që rëndojnë ndaj Metës. Debatet mes palës mbrojtëse dhe organit të akuzës çuan në ndërprerjen e seancës dhe caktimin e një date të re.

Avokati mbrojtës i Ilir Metës, Kujtim Cakrani, bëri të ditur se në seancën e radhës mbrojtja do të paraqesë prapësimet dhe kërkesat e saj në lidhje me akuzat. Ai sqaroi se procesi pritet të vijojë më 29 janar, datë në të cilën palët synojnë të përmbyllin fazën e parashtrimeve dhe të kalojnë në qëndrimet përfundimtare.

Çështja ndaj ish-presidentit po shqyrtohet nga GJKKO, ndërsa zhvillimet e radhës pritet të përcaktojnë ecurinë e mëtejshme të procesit gjyqësor.