Një përplasje mes një automjeti dhe një motori ka ndodhur mbrëmjen e sotme në Korçë, pranë zonës së leshpunueses, duke shkaktuar ndërhyrjen e menjëhershme të shërbimeve të emergjencës.

Si pasojë e aksidentit, drejtuesi i motomjetit ka pësuar dëmtime dhe është transportuar në spital për ndihmë mjekësore. Sipas të dhënave paraprake, ai ndodhet jashtë rrezikut për jetën.

Në vendin e ngjarjes ka qenë e pranishme Policia, e cila ka nisur hetimet për të zbardhur dinamikën e përplasjes dhe për të përcaktuar përgjegjësitë përkatëse.

Autoritetet bëjnë të ditur se nga ky aksident nuk ka humbje jete, ndërsa qarkullimi në zonë është normalizuar pas ndërhyrjes së shërbimeve përkatëse.