Ministria e Brendshme kishte hapur zyrtarisht garën për funksionin e Drejtorit të Përgjithshëm të Gardës së Republikës së Shqipërisë, duke përcaktuar datën 30 dhjetor si afatin e fundit për paraqitjen e aplikimeve.

Më 3 qershor, pas dorëheqjes së Ermal Onuzit, drejtimi i institucionit i ishte besuar përkohësisht oficerit të karrierës Simon Zereci, i cili prej asaj kohe ushtronte detyrën si drejtor i komanduar.