Një 27-vjeçare është vënë nën hetim pasi akuzohet se ka publikuar në Instagram foto të një të riu dhe të familjarëve të tij, të shoqëruara me mbishkrime denigruese. Sipas autoriteteve, ndaj saj ka bërë kallëzim shtetasi A. Dh., i cili ka deklaruar se publikimet e kryera nga e reja cenonin figurën dhe privatësinë e tij.
Policia bën me dije se materialet janë referuar në Prokurori nga Specialistët për Hetimin e Krimeve Kibernetike, të cilët kanë regjistruar procedimin penal ndaj shtetases K. N., 27 vjeçe, banuese në Tiranë. Hetimet do të vijojnë për të përcaktuar rrethanat dhe qëllimin e publikimit të përmbajtjes së dëmshme.
