Një aksident i rëndë ka ndodhur në orët e para të mëngjesit në autostradën Durrës Tiranë, në afërsi të zonës së Kasharit. Sipas të dhënave paraprake, një automjet ka humbur kontrollin dhe është përplasur me bordurat anësore të rrugës.
Pas goditjes së fortë, mjeti është përfshirë nga flakët, duke bërë të domosdoshme ndërhyrjen e shërbimit zjarrfikës për neutralizimin e zjarrit. Aktualisht nuk ka informacion zyrtar nëse ngjarja ka shkaktuar të lënduar.
Policia dhe shërbimet e emergjencës ndodhen në vendngjarje dhe po punojnë për sqarimin e plotë të rrethanave.
