Një 49 vjeçar është ndaluar nga policia e Fierit pasi dyshohet se ka kërcënuar bashkëshorten duke përdorur një armë gjahu që i përkiste të atit. Shtetasi Ilir Boriçi, banues në Fier, është vënë në pranga pas njoftimit për kanosje të kryer ndaj bashkëshortes.
Gjatë kontrollit të ushtruar në banesën e tij, shërbimet policore gjetën një sasi fishekësh luftarak që u sekuestruan në cilësinë e provës materiale. Sipas hetimit paraprak, armën e gjahut me të cilën dyshohet se ka kryer kërcënimin e kishte në përdorim pa autorizim.
Materialet e çështjes janë dërguar në Prokurorinë pranë Gjykatës së Shkallës së Parë të Juridiksionit të Përgjithshëm Fier për procedimet e mëtejshme ligjore.
