Një ngjarje e rëndë është regjistruar mbrëmjen e kaluar në Vlorë, ku në banesën e nënës së Gentian Zotës është vendosur një sasi lënde plasëse. Ngjarja ka ndodhur rreth orës 23:38 në rrugën Ali Demi, në lagjen Partizani, duke shkaktuar dëmtime në pjesën e jashtme të banesës.
Banorja e shtëpisë, Bakie Zoto, ka treguar se jeton e vetme dhe se shpërthimi e ka tronditur. Ajo thekson se nuk ka patur konflikte me askënd dhe se nuk ka asnjë shpjegim për vendosjen e lëndës plasëse në banesën e saj. Në pamjet e derës dhe të murit shihen qartë shenjat e dëmtimit nga shpërthimi.
Bakie Zoto shprehet se policia ka mbërritur menjëherë pas ngjarjes dhe se në ambient është krijuar më shumë tym. Ajo shton se prej shumë vitesh jeton në këtë lagje dhe nuk ka asnjë arsye të mendojë se dikush ka konflikt me të.
