Në përfundim të ceremonisë përkujtimore të zhvilluar në qytetin e Lushnjes, me rastin e 81-vjetorit të Çlirimit të Atdheut, ku u vendosën kurora me lule nën tingujt e himnit kombëtar dhe këngëve patriotike, Kryetarja e Bashkisë znj. Eriselda Sefa dha një mesazh domethënës për qytetarët lushnjarë.
Ajo theksoi rëndësinë e kësaj dite për historinë e kombit shqiptar, duke vlerësuar me respekt dhe mirënjohje të thellë sakrificën e dëshmorëve që dhanë jetën për lirinë e vendit. Kryebashkiakia Sefa u bëri thirrje brezave të rinj të mos harrojnë kurrë historinë, të duan atdheun dhe të kontribuojnë me dinjitet për të ardhmen e tij.
“Liria nuk është e dhënë, ajo është fituar me gjak dhe sakrificë. Detyra jonë sot është ta ruajmë, ta nderojmë dhe ta përçojmë tek brezat e ardhshëm,” u shpreh ndër të tjera znj. Sefa.
Nga Ndricim Gjoshi .
