Pesëmbëdhjetë vjeçari që u plagos disa ditë më parë nga bashkëmoshatari i tij ka dalë nga intubimi. Mjekët konfirmojnë se gjendja e tij shëndetësore ka shfaqur përmirësime, megjithëse ai do të qëndrojë nën monitorim të vazhdueshëm për të vlerësuar reagimin e organizmit pas ndërhyrjes.
Adoleshenti u dërgua me urgjencë në spital ditën e martë me një plagë të rëndë, pasi ishte goditur me thikë në zonën e zemrës. Ai iu nënshtrua menjëherë një operacioni të specializuar për t i shpëtuar jetën dhe për disa ditë gjendja e tij ishte kritike.
Ngjarja nisi pas një konflikti mes të miturve, i cili sipas të dhënave ka shpërthyer për shkak të një komenti në rrjetet sociale. Autoritetet po vijojnë hetimet për të zbardhur rrethanat e plota të kësaj ngjarjeje.
